logo

تحدي خَسِّسّني

 

نفسي أكون انسان عادي!

كُتب في ٤ ابريل ٢٠١٢

لماذا يزيد وزنك؟

معظم الناس اللي زي حالاتي كده قعدوا سنين طويله يقنعوا نفسهم ان موضوع السمنه ده قدر و وراثه و مش ممكن تغييره و إن ربنا خلق ناس كده تخينه و ناس رفيعه، عادي يعني. عشان انت بتبقى خارج مع اصحابك في اي مشوار و تلاقيهم بياكلوا قدك تلت اربع مرات و محدش فيهم بيتخن لكن انت ترجع بكيلو او اتنين زياده البيت. الموضوع شكله حتمي و مافيش اي فايده للمحاوله.

Fat Kids

ده اللي انا كنت بعمله السنين اللي فاتت و بعد ماحاولت و بدأت و اتحركت و فعلاً خسرت بعض الوزن، بدأت افهم هو ليه في ناس بتتخن و ناس لأ و هل الموضوع حتمي و لا لأ...

ليه وزنك بيزيد؟

جسم الانسان زي الماكينه، له دخل و خرج من الطاقة، الدخل هو الأكل اللي سيادتك بتاكله و الخرج هو (مش اللي في دماغك) المجهود اللي انت بتعمله، المشي، الجري، التفكير، و حتى النوم. كل دي تعتبر نشاطات انت بتستخدم فيها الطاقة اللي بتاخدها من الاكل و اللي بتتقاس بالكالوري و اتكلمت عليها قبل كده في الجدول اللي مالوش لازمه و لو الدخل اكبر من الخرج، جسمك بيخزن فرق الطاقة ده في صوره دهون احتياطي للمستقبل عشان لو حصلت مجاعة او لو الدخل اصبح قليل فجسمك يبتدي يصرف المخزون في البطاريات دي (الدهون يعني).

لكن الشئ المهم بقا انك تفهم ان فيه ميكانيا معينه لتخزين الدهون و لازم تفهمها لأن ده هايحدد تاكل ايه و تاكل ازاي و لو مش فاهم هاتفتكر ان بار سنيكرز بيأثر على جسمك زي اكلة سمك مثلاً عشان ليهم نفس السعرات، و ده طبعاً غلط و غلط جداً كمان. السعرات الحرارية مهمه و هي المقياس العام للطاقة اللي بتاخدها من الاكل لكن الأهم انك تفهم هي السعرات دي مصدرها ايه، يعني مكونات الاكل هي اللي بتتحول لطاقة (سعرات) فالاهم هو مصدر السعرات دي، من ايه بالظبط في الاكل اللي بتاكله؟

مصادر الطاقة محدده في الاكل:

  1. الكاربوهيدرات و هي المصدر الرئيسي للطاقة في الجسم و هي تأتي من مصادر متعدده تتحول إلي "سكر" في الدم و هذا المصادر مختلفه و أهمها هي السكر و الدقيق (المخبوزات و المعجنات المصنوعه من الدقيق) و هنا يجب ايضاح ان الدقيق ده انواع
    1. الدقيق الكامل (whole grain) و هو الدقيق الذي يحتوى على جميع محتويات نواة القمح (القشره، البذره/الجرثومة، السويداء) و هي كما يظهر في الرسم Wheat Kernel Nutrition و هذا الدقيق الكامل يكون لونه اقرب للبني و عشان كده الناس بتقول عليه الدقيق البني و هو مفيد جداً للجسم لأنه يحتوي على نسبه من الحديد و البروتين و الالياف و السيلينوم و البوتاسيوم و الماغنيسيوم و هي تقلل من احتماليه الاصابه بأمراض القلب. و الالياف تجعل امتصاص و تحويل الكاربوهيرات المركبه في الجسم إلى و بالتالي لا ترفع نسبه السكر في الدم "بشكل مفاجئ" و ده هاشرحه بالتفصيل بعد قليل.
    2. الدقيق الابيض (المكرر - refined grain) و هو الدقيق بعد ازاله البذره/الجرثومه و القشره من خلال الطحن الزائد عشان يكون لونه ابيض و ناعم جداً و ده بيشيل تقريباً كل الفوائد و يكون سهل جداً للإمتصاص و الهضم و يرفع نسبه السكر في الدم بعد تناوله بشكل مفاجئ و كبير و هو ما يسمى بال (sugar rush)
    المعلومه المهمه هي ان كل ٤ جرام من الكاربوهيدرات يتحولوا لطاقة مقدارها ١ كالوري (سعر حراري واحد) و ده معناه ان سعرات الدقيق الكامل تساوي الدقيق الابيض، عشان كده السعرات مش كل حاجة.
    من المصادر الهامة للكاربوهيدرات ايضاً هي الارز و الذره و دي برضوا فيها كامل و مكرر بنفس المعنى السابق شرحه. المعلومه الهامة هي ان الكاربوهيدرات هي مصدر الطاقة المفضل للجسم لأنها سهله الامتصاص و الحرق، اذا كانت هناك كاربوهيدرات كافيه في الاكل ده معناه ان الجسم مش هايحرق الدهون اللي في الاكل او المخزنه في بطاريات جسمك بالفعل
  2. الدهون
  3. و طبعاً دي انا شرحت انواعها في الجدول اللي مالوش لازمه و هي مش من المصادر المفضلة للجسم لأنها صعبه التكسير و الحرق.
  4. بروتينات
  5. و هي يستخدمها الجسم في حاجة ندره وجود الكاربوهيدرات و الاهم هو انها لها دور اساسي جداً في بناء الانسجة و بالأخص العضلات و كمان لإصلاح الانسجة التالفة، كل ٤ جرام من البروتين يتحولوا ١ كالوري لكن الفائض في البروتين لا يخزن و يتم تكسيره بواسطة الكبد ليخرج مع البول.
    المصادر الاساسية للبروتين هي اللحوم و الاسماك و البروتين النباتي في العدس و الفول و غيرهم.

القاعده الاساسية هي ان جسمك بيبتدي في تخزين الدهون عندما يفرز الانسولين في الدم لما السكر بيعلى بشكل مفاجئ في الدم من امتصاص الكاربوهيدرات السهله و ده اللي بيحصل لما تاكل حاجة معموله من الدقيق الابيض، السكر بيرتفع في الدم بشكل مفاجئ و البنكرياس بينتج الانسولين للسيطره على معدل السكر في الدم و جسمك يخزن الاكل في صوره دهون حتى لو كان الجسم في احتياج للطاقة في الوقت الحالي.

مش كل الناس زي بعض بقا، معدل افراز الانسولين في الدم يختلف بين الناس و معدل "الأيض" - metabolism - يختلف بين شخص لآخر عشان كده اصحابك بياكلوا و مش بيتخنوا و ده جزء منه راجع للعوامل الوراثية و طبيعه الجسم. لكن في النهايه لازم تعرف ان اي حد ممكن يسيطر على افراز الانسولين بالتحكم في "نوع" الاكل اللي بياكله بحيث يتناسب مع طبيعه جسمه و يخسر وزنه . الخلاصة ان الموضوع مش حتمي و كل الناس تقدر تخسر وزنها لو غيرت عادات الاكل اللي هي متعوده عليها بعد ماتكون فهمت الاسباب.

الخلاصة

قلل من تناول الكاربوهيدرات و احرص على تناول الدقيق الكامل و المنتجات المصنعه منه، اكثر من البروتينات لبناء العضلات لأنها المصانع التي تستهلك الطاقه و كلما كان في جسمك عضلات اكتر كلما استهلك جسمك سعرات اكثر، ابتعد عن الدهون الضاره و بكده تخسر وزنك و تعيش حياه صحيه مليانه نشاط و طاقة طوال اليوم.